Fréttir


Göngum í skólann og norræna skólahlaupið

03-09-2019

Miðvikudaginn 4. september frá kl. 8:20 - 10:00 ætla vinabekkir GRV að hittast í tilefni þess að verkefnið Göngum í skólann byrjar.

Verkefnið er alþjóðlegt, það stendur yfir frá 4. september og lýkur á alþjóðlega Göngum í skólann deginum þann 10. október. Á hverju ári taka milljónir barna í yfir 40 löndum víðs vegar um heiminn þátt í Göngum í skólann með einum eða öðrum hætti. 

 

Líkt og undanfarin ár ætlum við í GRV að hittast og starta átakinu Göngum í skólann með því að 1. - 5. bekkur býður vinabekkjum sínum í heimsókn. Þá verður átakið kynnt og sameiginleg verkefni unnin í tengslum við það.

Í kjölfarið viljum við í samvinnu við ykkur hvetja nemendur á öllum stigum til að ganga í skólann. Það bætir heilsu, eflir ánægju og er umhverfisvænt.

 

Keppni um gullskóinn í 1. -7. bekk hefst fimmtudaginn 5. september og stendur í tvær vikur.

Á heimasíðu Göngum í skólann má finna ýmsar upplýsingar um verkefnið. www.gongumiskolann.is 

 

Norræna skólahlaupið verður haldið í tengslum við upphaf Göngum í skólann, hlaupið verður föstudaginn 6. sept. Kl. 10:00. 

Allir hlaupa sama hring, ÍBV hringinn sem eru 3 km. Við hvetjum foreldra sem hafa tök á, að koma og taka þátt í hlaupinu með okkur.