Fréttir


Samstarfsverkefni Áfallateymis ÍBV, félagsþjónustunnar, lögreglunnar og GRV

23-04-2018
Að frumkvæði Áfallateymis ÍBV hefur undan farnar tvær vikur verið í gangi samstarfsverkefni á miili þeirra, félagsþjónustunnar, lögreglunnar  og GRV sem snýr að forvörnum. 
 
Nemendur í 9. og 10. bekk GRV horfðu á sjónvarpsmyndina Mannasiði í skólanum. Myndin fjallar um líf tveggja fjölskyldna  sem fer á hvolf þegar drengur er ásakaður um að hafa nauðgað stúlku í menntaskóla.  Sagan spannar um 10 mánuði og fjallar um meint kynferðisbrot, víðtæk áhrif þess, viðbrögð fjölskyldu og samfélags. Hvaða áhrif hefur meint afbrot á gerandann, andlega og félagslega, og hvernig bregst fjölskylda hans við álaginu. Geta tvær manneskjur upplifað sama verknaðinn á gjörólíkan hátt? Hvaða áhrif hefur klámvæðingin á ungt fólk? Og hvaða áhrif hafa kynferðisbrot á vinahópa og fjölskyldur? Samtíminn kallar á nýjar leiðir og ný mörk í samskiptum kynjanna og hvað er til ráða?
 
Í þessari viku  heimsóttu fulltrúar lögreglunnar, félagsþjónustunnar og áfallateymis ÍBV nemendur í 9. og 10. bekk og ræddu við nemendur í smærri hópum. 
 
Við viljum þakka áfallateyminu, félagsþjónustunni og lögreglunni fyrir að gefa sér tíma í þessa vinnu með unglingunum okkar og vonandi er þetta samstarf komið til að vera.
 
Kær kveðja