Fréttir


Lesferill

29-09-2017

Haustið 2015 hófst hjá Menntamálastofnun vinna við þróun skimunar- og stöðuprófa í lestri sem hlotið hafa heitið Lesferill.

Fyrsti hluti þessara prófa er nú tilbúinn til notkunar ásamt lesfimiviðmiðum fyrir 1.-10. bekk grunnskóla. Lesfimi er samsett færni sem felst í leshraða, lestrarnákvæmni, áherslum og hrynjandi í lestri. Fjölmargar rannsóknir sýna að sterk tengsl eru milli lesfimi og lesskilnings og með því að bæta lesfimi nemenda eflist lesskilningur jafnframt. Lesfimiðviðmið eru sett þannig fram að þau sýna stíganda í færni nemenda frá einum bekk til annars. Þetta eru almenn viðmið fyrir nemendur í hverjum árgangi sem endurspegla þær kröfur sem þeir þurfa að mæta á næstu stigum náms. Lesfimi er mæld sem rétt lesin orð á mínútu. Niðurstöður úr lesfimiprófum í september eru komnar inn á mentor, þar geta foreldrar fylgst með árangri sinna barna. Til að skoða niðurstöðurnar þarf að fara inn á mentor, velja þar flísina sem heitir námsmat og þar er hægt að sjá lesferil nemandans.

Menntamálastofnun hefur gefið út góðar útskýringar sem má finna hér: Lesfimiviðmið menntamálstofnunar