Fréttir


Stóra upplestrarkeppnin

04-04-2017

Stóra upplestrarkeppnin var haldin hátíðleg fimmtudaginn 30. mars í Eldheimum.

Þetta er í fyrsta skipti sem lokakeppnin er haldin hér í Eyjum en það eru sex skólar á Suðurlandi sem taka þátt í þessari keppni. 

Erna Jóhannesdóttir fræðslufulltrúi var kynnir og Hildur Sólveig Sigurðardóttir formaður fræðsluráðs flutti hátíðarræðu. Tvö tónlistaratriði voru frá Tónlistaskólanum, Bogi Matt nemandi í 7.bekk spilaði á trompet við undirleik Kitty Kovác og systkinin Björgvin Geir og Bergþóra Björgvinsbörn spiluðu á þverflautu. Sigurverar frá fyrra ári kynntu rithöfunda og áttu við í GRV þar einn fulltrúa, en Aðalheiður Svanhvít var í öðru sæti í fyrra og sá hún um að kynna ljóðskáldið Steinunni Sigurðardóttur. Keppendur og gestir gæddu sér svo á súpu og brauði frá Einsa Kalda á meðan dómarar réðu ráðum sínum.

Grunnskóli Vestmannaeyja átti þrjá keppendur í keppninni, þau Berthu Þorsteinsdóttur, Daniel Franz Davíðsson og Hauk Helgason. Öll stóðu þau sig virkilega vel, voru vel undirbúin af Svanhvíti Friðþjófsdóttur sem sá um þjálfun þeirra. GRV átti einn keppanda í verðlaunasæti, en það var hún Bertha Þorsteinsdóttir sem endaði í þriðja sæti.